Nas últimas semanas de trimestre en Plástica estivemos facendo vidrieiras de cartolina e papel de celofán. Custou recortar o debuxo que tiñamos para reencher de celofán pero pagou a pena. Mirade que efectos tan chulos fai a luz ao atravesalas.
venres, 26 de decembro de 2014
De maior queremos ser
Revisando o traballo do primeiro trimestre vimos que non publicaramos no blogue nada sobre un dos primeiros proxectos que levamos a cabo en Valores sociais e cívicos. Aquí está a reportaxe sobre o mural que elaboramos partindo da lectura do libro de Violeta Monreal ¿Qué te gustaría ser de mayor?, da colección "Preguntas para mentes despiertas".
Empezamos por pensar o mellor e o peor de ser maiores, pero maiores de verdade, adultos/as. Despois cada quen pensou e preparou unha pequena presentación sobre o que lle gustaría ser de maior. Como remate presentouse o traballo ao resto dos compañeiros/as e respostouse a preguntas e dúbidas.
Foi moi interesante. Imos ter unha variedade enorme de profesións nos futuros homes e mulleres que agora están en quinto. Mirádeo vós mesm@s.
Lembrade que podedes parar a presentación das fotos, para ver algunha con máis detalle, premendo nos botóns inferiores.
Etiquetas:
creamos,
escribimos,
Valores Sociais e Cívicos
Roma
Etiquetas:
creamos,
escribimos,
Idade Antiga
Exipto
Etiquetas:
creamos,
escribimos,
Idade Antiga
Grecia
Etiquetas:
creamos,
escribimos,
Idade Antiga
Mesopotamia
Comezamos a publicar as presentacións que elaboramos en Ciencias Sociais como resultado final do proxecto sobre Idade Antiga e civilizacións. Cada grupo centrouse nunha civilización concreta, recolleu información organizouna e elaborou unha breve presentación que se expuxo na aula antes de rematar o 1º trimestre. Tamén tivemos que aprender a traballar con Libre Office Impress.
Etiquetas:
creamos,
escribimos,
Idade Antiga
Resposta do Centro Dramático
Recibimos resposta á nosa carta do Centro Dramático Galego!
Foi un correo electrónico que chegou ao correo do cole. Gustounos ver que os nosos debuxos e cartas chegaran e que lles gustaran. Temos que estar pendentes para ver se publican algunha entrada na súa web.
sábado, 13 de decembro de 2014
Aniversario de César
Esta semana celebramos o aniversario de César Creo, outro dos "pequenos" da clase. Tivemos un biscoito riquísimo do que non sobrou nadiña, na nosa liña habitual.Cantamos, turramos das orellas e festexamos...
Moitos parabéns Cesar!
Parabéns para ti... |
Mmmmmm! |
Para min, para min! |
Liquidado! Jeje! |
Xornal BBS, o que non entrou
Queremos compartir tamén as novas que elaboramos na clase para o xornal BBS e que non colleronno último número porque somos moitas clases e moitos rapaces/zas con afán reporteiro.
Cartas para o Centro Dramático Galego
Despois de aisitir á representación de "As laranxas máis laranxas de todas as laranxas" decidimos mandarlle cartas aos actores e actrices para contarlles o que nos parecera a obra. Aquí as tedes, a ver se nos contestan.
sábado, 6 de decembro de 2014
Xornal BBS 5
Etiquetas:
BBS,
biblioteca,
escribimos,
xornal
xoves, 4 de decembro de 2014
As laranxas máis laranxas de todas as laranxas
Agardamos a vosas opinións sobre a obra que vimos onte. Para refrescar a memoria aquí tedes o vídeo que emprega o Centro Dramático para promocionar a obra.
mércores, 3 de decembro de 2014
Laura e Marta nos contacontos da BBS
Hoxe Laura contou un conto na BBS xunto coa súa irmá pequena, Marta. Escolleron A que sabe a lúa? Para ver toda a reportaxe entrade no blogue da BBS.
Hoxe no recreo... |
Laura e Marta en acción. |
Ben feito! |
Etiquetas:
BBS,
biblioteca,
contacontos,
contos
martes, 2 de decembro de 2014
Aniversario de Noa
Novembro rematou coa celebración do aniversario de Noa. Xa nos quedan menos por cumprir os dez!
Cantamoslle, turramoslle das orellas e comemos uns riquísimos pasteis que fixo a nai de Noa e que ademais de estar ben bos eran moi curriños. Custou escoller cal comer! Lembra traernos a receita, Noa.
PARABÉNS, NOA!
Repartindo |
Pintaza! |
Mirade este! |
domingo, 30 de novembro de 2014
Imos ao teatro!
Os nenos e nenas do Brea Segade van ir
ao Auditorio de Rianxo a ver a obra “As laranxas máis laranxas de todas as laranxas”
O martes 3 de decembro os nenos e
nenas do Brea Segade iremos ver a obra de Carlos Casares titulada “As
laranxas máis laranxas de todas as laranxas”. A obra estará
interpretada polo Centro Dramático Galego e dirixida por Xosé
Caldas. Trátase dunha historia fantástica que gañou moitos premios
de literatura infantil e que cando se estreou por primeira vez hai
dez anos foi un éxito. Temos moita sorte de que volva poñerse en
escena outra vez e ademais en Rianxo porque é unha boa obra de teatro.
Agardamos pasalo moi ben.
Laura Fandiño Doval
Imaxes da posta en escena do entro Dramático Galego.
xoves, 27 de novembro de 2014
Investigando sobre a Idade Antiga
En Ciencias Sociais estamos traballando en grupos sobre a Idade Antiga. Cada grupo ten que buscar e seleccionar información na biblioteca e en internet para preparar unha presentación en Impress. As civilizacións sobre as que estamos a traballar son: Exipto, Mesopotamia, Grecia e Roma. Atent@s ao noso blogue, non tardaremos en ir subindo as presentacións.
Etiquetas:
Ciencias Socias,
creamos,
Historia,
Idade Antiga
As chapas de Rubén
Rubén trouxo a ensinarnar a súa colección de chapas. Tennas de moitas bebidas e de países diferentes. Parece que hai máis coleccións de chapas nas casas, así que se cadra temos que ir pensando en traelas e aprender a xogar con elas.
Graciñas, Rubén.
O saltón
Temos un novo visitante na clase e este veu para quedar. manuel trouxonos un saltón que atopou morto nunha leira. Que ben nos vén agora que estamos estudando o reino animal!
Etiquetas:
animais,
experimentamos,
mascotas
Día contra a violencia de xénero
Este martes, 25 de novembro, foi o Día contra a violencia de xénero. Na clase falamos sobre a situación da muller, sobre o maltrato, sobre o reparto das tarefas nas nosas casas, sobre o deporte feminino ... O punto de partida para falar de todo isto foi o conto que Iria, Laura, Fátima, Joerge Castaño, Noelia e Andrea prepararon e contaron nos recreos lectores da BBS: O libros dos porcos de Anthony Browne.
Porque nós non queremos ser uns porcos, loitaremos a diario contra a violencia e a desigualdade de xénero!
Porque nós non queremos ser uns porcos, loitaremos a diario contra a violencia e a desigualdade de xénero!
Anunciando o conto na entrada |
Practicando na clase |
Non somos uns porcos! |
martes, 25 de novembro de 2014
Os nosos dereitos
Temos dereitos e agora coñecémolos mellor e sabemos que non todos os nenos e nenas do mundo gozan deles. Ao longo de dúas semanas traballamos sobre a Declaración de Dereitos da Infancia e buscamos nos medios de comunicación noticias que puxeran en evidencia que non todos os nenos e nenas do mundo ven os seus dereitos respectados. O resultado do noso traballo é unha exposición que se pode ver nas escaleiras que van ao segundo andar.
Traballando sobre os nosos dereitos |
Etiquetas:
creamos,
dereitos,
infancia,
Valores Sociais e Cívicos
venres, 21 de novembro de 2014
Aniversario de Jorge
O mércores celebramos o aniversario de Jorge, un máis que se vai facendo grande e entra na decena. Trouxonos un biscoito con améndoas riquisímo e uns manises, Non deixamos nin rastro de ningun deles.
PARABÉNS, JORGE
e graciñas polos doces e polo salgado!
e graciñas polos doces e polo salgado!
mércores, 19 de novembro de 2014
Viñeron os bombeiros!
Hoxe tivemos a visita dos bombeiros para lembrar todo o que xa sabiamos sobre protocolos de evacuación en caso de lume e ensinarnos algunhas cousas novas. O que mellor temos que lembrar, o número das emerxencias, o 112.
Quedaron de voltar na primavera para facer un simulacro, a ver se daquela lembramos todo o que aprendemos hoxe.
O mellor poder probar os cascos!
Magosto: Os noso xogos con castañas
Estes son algúns dos xogos con castañas e materiais de refugallo que preparamos en quinto. Queredes botar unha partida?
No Magosto
O luns, nun día sen chuvia, cousa ben rara ultimamente, celebramos o Magosto na escola. Fixemos un circuíto de xogos populares con : bolos, chave, carrilanas, corda, zancos, tragacastañas, petanca... E, por suposto, rematamos papando unhas riquísimas castañas asadas por Charo e Tino.
Cos nosos xogos no patio |
Circuito de xogos populares |
Castañas! |
Magosto 2014 |
Subscribirse a:
Publicacións (Atom)