Conseguimos o terceiro dos mandalas do Conectando Mundos deste curso, o da colaboración. Rematamos así as tarefas en rede propostas na actividade, pero aínda seguimos elaborando os murais cos que resumiremos as investigacións e descubertas realizadas. Tamén estamos participando no xogo en liña que elaboramos entre todos os colexios con preguntas sobre os países e dereitos que investigamos. E o fundamental seguiremos atent@s á situación dos dereitos sociais no mundo.
luns, 23 de marzo de 2015
Mandala da colaboración
Etiquetas:
Conectando mundos,
Valores Sociais e Cívicos
domingo, 22 de marzo de 2015
Eclipse
Non vos perdades as fotos da eclipse que publican en Fotos de Rianxo. Foron tomadas na subida á Muralla e recollen unha secuencia de imaxes desde o comezo ao remate da eclipse. Chulísimas!
venres, 20 de marzo de 2015
Rochas e minerais
Este mércores estivemos con Rafael, o avó de Tahira, que veu a ensinarnos a súa colección de rochas e minerais e falarnos sobre eles. Empezou por falarnos dos tipos tres tipos de rochas (igneas, sedimentarias e metamórficas) e despois foi ensinándonos as que trouxo a escola, explicándonos onde as atopou e de que minerais estaban feitas. Despois das rochas seguiu cos minerais. Foinos pasando exemplos e ao final estivemos mirando a colección de cerca e facendo preguntas. Bueno, preguntas non paramos de facer case desde o principio :-)
Foi moi interesante; quedamos abraiados con todo o que sabe Rafael. E tamén quedamos con moitas ganas de seguir aprendendo máis sobre rochas e minerais.
Grazas, Rafael!
luns, 16 de marzo de 2015
En Pontevedra
4º e 5º no Salón do Libro |
Xa está no blogue da biblioteca a reportaxe da nosa excursión a Pontevedra. Non a perdades!
Etiquetas:
BBS,
biblioteca,
saídas,
Salón do Libro de Pontevedra
luns, 9 de marzo de 2015
Madalenas caseiras para lamber os fociños
Que sorte temos! Outro luns con madalenas caseiras para lamber os fociños, receita de Escarlatina, a cociñeira defunta, para papar no recreo. Desta vez foi Iria, quen, coa axuda da súa nai, preparou un feixe de madalenas deliciosas para aledarnos o luns.
Como non nos vai gustar este libro? Se non facemos outra cousa que probar larpeiradas desde que o comezamos ler!
Graciñas ás dúas! Estaban deliciosas!
Como non nos vai gustar este libro? Se non facemos outra cousa que probar larpeiradas desde que o comezamos ler!
Graciñas ás dúas! Estaban deliciosas!
Ooooooh! |
Que pintaza! |
Eu quero! |
E eu! |
Mmmmm! |
Ñam, ñam! |
GRAZAS! |
Etiquetas:
alimentos,
BBS,
biblioteca,
cociña,
Escarlatina,
ficción,
galego,
lecturas,
lemos,
receitas
domingo, 8 de marzo de 2015
Contando contos na horta
O venres pasado Silvia, Laura, Andrea e Patri non puideron resistirse á caloriña e á luz que había no patio e leváronnos a horta a escoitar o seu conto. No blogue da biblio tedes máis información.
O zoo de Xoquín! |
Etiquetas:
BBS,
biblioteca,
contacontos,
contos,
horta,
natureza
Mandala da dignidade
Temos o segundo mandala da nosa aventura en Conectando Mundos, xa queda menos!
A que é moi chulo?
A que é moi chulo?
Dignidade |
Etiquetas:
Conectando mundos,
mandala,
Valores Sociais e Cívicos
Día Internacional da Muller
Doodle do buscador Google para o Día Internacional da Muller |
Feliz día para todas as mulleres, grandes e pequenas e para todos os homes que se sinten complices na loita polos dereitos e a igualdade da muller. Temos avanzado moito, pero segue a quedar moito para conseguir a igualdade real de todas as mulleres do mundo. Hoxe é un día para lembrar, reivindicar e celebrar, pero temos todo un ano de "días da muller" para conseguir desterrar o machismo e a discriminación da nosa sociedade.
Feliz 8 de marzo!
xoves, 5 de marzo de 2015
A voltas cos experimentos
Rubén e Noa estiveron experimentando na casa. Rubén, desta vez, centrouse nas ilusións ópticas e Noa nos efectos do vinagre sobre a casca dun ovo.
O martes pasado trouxeron os seu experimentos para compartir os resultados.
Rubén e as ilusións ópticas |
Cal é máis grande? |
Que ves? |
Son iguais? |
O ovo flexible de Noa |
Botará? |
Escarlatina, a cociñeira defunta
Comezamos un novo libro de lectura colectiva: Escarlatina, a cociñeira defunta de Ledicia Costas. O libro ten dúas partes, a historia en si e un receitario de pasteis e pratos que imos ir probando a facer nas nosas casas. Pódese dicir que é un libro que convida a cociñar e, de feito, con só un par de capítulos lidos xa tivemos mostra do boas cociñeiras/as que podemos ser.. con axuda dalgún maior da casa.
Noelia e Silvia, coa axuda das súas nais, fixeron madalenas caseiras na fin de semana e o luns trouxeronas a ensinar e a probar. Pintaza!
Estaban boísimas, Noelia!
Grazas ás dúas e ás vosas nais!
Grazas ás dúas e ás vosas nais!
Ummm! |
Eu quero! |
Madalena con capa de chocolate |
Riquísimas! |
Ñam, ñam! |
Etiquetas:
alimentos,
BBS,
biblioteca,
cociña,
Escarlatina,
ficción,
galego,
lecturas,
lemos,
receitas
domingo, 1 de marzo de 2015
Charla sobre o traballo dos axentes forestais
O pasado venres tivemos unha mañá completa, completa. Ademais de homenaxear a Rosalía estiveron no centro dous capataces forestais para darnos unha charla sobre o seu traballo. Explicáronnos cales son as súas funcións, que pasan pola prevención, a vixiancia, o asesoramento, o coidado e limpeza do medio ambiente e a extinción do lume, entre outras. Poidemos coñecer de cerca o equipamento que empregan no seu traballo e diferenciar especies as vexetais máis comúns no noso ecosistema. Foi moi interesante.
Etiquetas:
Galicia,
medio ambiente,
Naturais,
natureza
Estamos no Salón do Libro Infantil e Xuvenil de Pontevedra!
O venres 27 de febreiro inaugurouse o Salón do Libro Infantil e Xuvenil de Pontevedra. Alí estivemos para ver o noso Nautilus na exposición dos traballos escolares. Impresionate!
Entrade no blogue da BBS para ver unha montaxe con imaxes do noso traballo para o Salón do Libro. Clicade na foto ou AQUÍ.
Etiquetas:
BBS,
ciencia,
ficción,
Nautilus,
Salón do Libro de Pontevedra
Nós somos Rosalía
Levabamos toda a semana falando e traballando sobre Rosalía na clase e o venres 27 celebramos no cole a nosa homenaxe á poeta. Sumámonos á proposta da Asociación de escritores en lingua galega e compartimos poesía e flores para lembrar a Rosalía e manter viva a súa obra e o seu compromiso con Galicia, coa súa lingua e a súa cultura.
Entrade na páxina da BBS para ver a reportaxe completa. Aquí tedes as imaxes da participación de quinto no acto montadas cun novo trebello que estamos probando. Que vos parece?
Entrade na páxina da BBS para ver a reportaxe completa. Aquí tedes as imaxes da participación de quinto no acto montadas cun novo trebello que estamos probando. Que vos parece?
Subscribirse a:
Publicacións (Atom)